香港移民潮不斷，大部分是年青家庭，留下長者父母在港生活。有老友記亦因而考慮移居內地，方便投靠內地親友，而且可減輕生活成本，而飲食文化亦比較容易適應。雖然在內地生活成本下降，但人隨著年紀漸大，醫療開支亦會愈高，這是很多老友記擔心的問題。少娟便是其中一個例子。
少娟大概一年前退休，原本與丈夫居住在粉嶺居屋單位，她們的女兒早已結婚，亦有兩名男孫。女兒一家在兩年前移民加拿大，剩下她與丈夫二人。豈料丈夫在她退休後患上淋巴癌，確疹時才知道是末期。雖然她知道丈夫患上末期癌症，但仍花盡退休金和積蓄，為丈夫承擔昂貴的醫藥費。儘管如此，丈夫仍敵不過病魔，撒手塵寰。
留下來的，就只有少娟一人在香港生活，在無依無靠下，少娟想起在深圳的表妹，她閒時也有與表妹聯絡。
「老伴走咗，對我嚟講打擊好大，雖然都預咗有呢一日，但到真係發生嘅時候，真係好難接受。為咗醫佢，我用晒啲積蓄同退休金，搵最好嘅醫生同醫院，可惜最後佢都係走咗。宜家得返間居屋，生活上就靠長者生活津貼。
香港地乜嘢都貴，好彩唔駛交租，叫做有個瓦遮頭，但日日喺屋企對住四面牆，有時都好悶。以前都有啲工友可以聚吓，但年紀大佢哋都逐個走晒，加上老伴走埋，個女一家又唔喺香港，都覺得幾孤獨。身邊有咁多人都係因病而走，除咗生活苦悶，令我開始擔心，如果我之後有病痛點算，邊個照顧我？邊度有錢畀醫藥費？
有時我都會同深圳個表妹呻，佢見我一個人喺香港無依無靠，都有勸過我不如移民去深圳，起碼有佢哋照顧。佢哋一家四口住喺深圳，表妹係家庭主婦，間屋咁啱有間吉房可以畀我住。
初時我都有啲唔好意思，但後來諗諗吓，我都要為自己打算，去深圳住起碼有表妹睇住我，萬一有咩事都有人通知我個女，不過都有諗到醫療方面，喺深圳睇醫生會唔會貴啲？喺香港我有醫療券資助，但去到深圳唔知係點。表妹知道我擔心呢方面嘅問題，幫我上網睇資料，搵吓深圳有冇啲長者生活資助，點知畀佢搵到一個叫舜禹嘅facebook，其中一個帖文有講香港人可以喺深圳用醫療卡！表妹見我有好多問題想問，就提議我不如打電話去直接問吓。
於是我打去問有關港人喺深圳用醫療卡嘅問題，舜禹啲職員好好，慢慢講解我知。原來由4月17日起，長者可以用香港嘅醫療券，去香港大學深圳醫院華為荔枝苑社區健康服務中心，睇門診醫療護理嘅醫生。
如果到時我真係要用醫療券係唔駛預先登記，因為醫療券係透過電子平台發放同使用，所以只要我本身合符資格，到時帶有效嘅香港身份證或者《豁免登記證明書》就得喇！
我睇返香港大學深圳醫院華為荔枝苑社區健康服務中心個地址，喺深圳市龍崗區坂田街道發華路華為楊美員工宿舍8棟裙樓1層，同表妹屋企相隔15分鐘路程，個心即刻定晒。不過舜禹嘅職員都有提醒我，唔係每一項醫療服務都涵蓋到，例如：住院、單純購買物品、藥物、醫療儀器同用品等，當然唔可以兌換現金。
當我清楚知道深圳可以用醫療券之後，即刻安心晒，我可以安心移民去深圳住，又可以繼續用醫療券，真係好多謝舜禹嘅職員慢慢講解我知，解決咗我嘅切身問題，真係好感謝佢哋！」
近年有不少老友記考慮移居內地，但又會擔心社會福利問題。如果你身邊有老友記都有同類情況，歡迎隨時與我們聯絡，我們會盡力解答老友記的問題，讓他們可以無憂地安享晚年。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
