【舜禹香港專欄】安老院舍選擇秘訣

在香港,不論是公屋或是醫療服務,也離不開「排隊」,以前即使是私營安老院,也須要排隊輪候。不過,經過疫情後,統計處最新數據顯示,2022年年中,香港私營安老院院友人數為 35,800人,按年大減1,700人,其中以80歲或以上長者減幅最明顯。

 

少嫻不懂選擇安老院予爸爸

 

雖然安老院舍宿位增多,但眾多選擇,應如何挑選給家中長者?以價格定義或是以舒適度為主導?這一切問題,一直圍繞著少嫻過多月。她的爸爸已近80歲,患有認知障礙症,近年來病情愈趨嚴重,加上身體機能日漸衰退,令少嫻立計劃將爸爸送往安老院。她從未接觸過任何安老院舍,又不清楚收費和服務,有點無從入手。每天回家看到爸爸的狀況,感到非常無助。

 

工人姐姐突然離開,無人照顧患有認知障礙症及糖尿病的爸爸

 

「爸爸大概4年前患上認知障礙症,起初只係情緒和性格有啲變化,仍有自理能力,但日子耐咗,佢慢慢開始無記性,連短暫記憶都慢慢失去,我就開始擔心喇,好驚佢一個人出街會蕩失路,同埋佢有糖尿病同痛風症,要定時食藥,有試過請工人姐姐服侍佢,嗰時都幾好,但有次工人姐姐放大假返印尼後,一走了之,就無再返嚟。當時令我大失預算,要再請大假照顧爸爸,最後好彩有隔離鄰舍幫手,日頭可以過嚟幫我睇住,但長貧難顧,唔可以長期打搞隔離鄰舍,加上爸爸有啲脾氣,我都有啲唔好意思,所以就決定送佢去老人院。

少嫻網上搜尋安老院舍,但不知哪一間最適合

 

對於老人院,我嘅認知就只係私家同政府資助,至於邊間好,設施係點,收費係點,我完全唔識。上網做資料搜集,又好似有好多廣告,間間都差唔多,淨係見啲收費好差參。當我喺非常迷惘嘅時候,喺網上搵到舜禹學堂嘅facebook,有講到長者安老院,我太心急,所以直接打去問個清楚。

  

舜禹學堂,助少嫻找到方向

 

我同舜禹學堂嘅職員講晒我嘅情況,佢哋好好,講晒畀我知護老院嘅詳情。原來護老院有護理程度嘅分別,可分為高度照顧或特別護理(全護理)、中度照顧(半護理)同低度照顧。高度照顧 — 適合健康欠佳,而且身體機能喪失或衰退,以致喺日常起居方面需要專人照顧,但唔駛高度專業醫療或護理嘅長者;中度照顧 — 適合有能力保持個人衞生,但喺處理關於清潔、烹飪、洗衣、購物嘅家居工作同其他家務方面,有一定程度困難嘅長者。低度照顧 — 適合有能力保持個人衞生,亦有能力處理關於清潔、烹飪、洗衣、購物嘅家居工作同其他家務嘅長者。

 

先為長者作安老系統評估是最重要

 

佢哋建議我,最好先帶爸爸去做安老系統評估,評估實際需要嘅護理程度,再按照程度揀選合適嘅院舍,呢個係最重要考慮嘅一點。之後就可以考慮經濟狀況同負擔能力,先至決定送去私營定係政府嘅安老院。

 

當然我梗係知道私營院舍就最快可以有位,但我都要衡量自己嘅經濟能力,舜禹學堂嘅職員有提我,唔同院舍嘅輪候時間。佢哋話根據2023年1月31日統計顯示,津助或合約院舍輪候約34個月、參與改善買位計劃嘅私營安老院約5個月,而護養院宿位約19個月。而政府資助嘅院舍,包括買位,一般都要經長者地區中心申請同埋評估,先至可以獲批。

 

同佢哋傾完之後,我有晒方向,起碼知道點樣入手,同爸爸揀間最啱佢嘅安老院。舜禹學堂真係好幫到我,感恩搵到佢哋幫手。」

 

我們深明老友記在不同階段的不同需要,亦明白照顧者面對家人的病況,那種無助和不安的狀況。如你或身邊有老友記遇到困難,歡迎找我們幫忙,我們會竭力解答不同問題,助老友記可以開懷舒適,安享晚年。

👉 選擇安老院指南(點擊此處了解更多)

👉 長者院舍照顧服務券計劃(點擊此處了解更多) 

👉 長者社區照顧服務券(點擊此處了解更多)

留下您寶貴的意見

歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵,以及有熱忱想成為學堂中照耀民眾的小太陽,都請不吝嗇的留言告訴我們!我們會於工作日內儘快回覆您,謝謝!

Thank you! Your submission has been received!
Oops! Something went wrong while submitting the form.