認知障礙症的發展過程緩慢，很多人常常誤以為早期發病的症狀是正常的老化現象，因而掉以輕心。衞生署及中文大學醫學院研究指出，本港70歲以上的長者，每10人就有1名患有認知障礙症。
麗娟有一個86歲的媽媽她最近出現開始認知障礙症症狀，麗娟不知怎樣做？她感到十分徬徨。
「我媽媽已經入住老人院兩年，因為佢嘅身體狀況唔太好，需要專業人員照顧。我每個星期都會去探望佢，同佢傾下計，陪佢食下飯，睇睇佢有咩需要。我媽媽一直都很開朗，喜歡跟人說話，也很記得我嘅名字和同生活細節。我以為佢只係老啦，有時有啲事情會忘記，從來無諗到佢可能患上了認知障礙症。
有一天，我收到老人院嘅余姑娘電話，佢話我媽媽唔舒服，已經送咗去醫院。於是我趕去醫院，醫生話我媽媽只係血壓低咗啲，會開啲藥比佢食冇乜事，可以出院。但係，當我準備幫佢辦埋出院嘅手續嗰陣，我發現佢唔見咗。我四圍搵佢，護士都唔知佢去左邊。
我即刻打電話報警，然後喺附近搵佢。好彩，一個鐘頭之後，警察打嚟話佢哋喺一個公園搵到佢。叫我去接佢。我問媽媽點解會喺度？佢一臉茫然望注我。我陪佢返老人院。
余姑娘同我講，最近我媽媽行為反常，佢有時會唔記得自己喺邊度、今日係幾號、有時候，佢仲會認錯人，講啲冇頭冇尾或者冇意思嘅嘢。而且情緒好唔穩定，突然就會發脾氣或者喊。懷疑媽媽可能患有認知障礙症。
我上網搵咗啲關於認知障礙症嘅資料，我喺Facebook度見到舜禹學堂嘅專頁入面，睇到一啲關於認知障礙症嘅資訊。我即刻打電話去舜禹學堂問下。
喺舜禹嘅職員幫手下，向香港認知障礙症協會申請咗認知障礙症評估服務。媽媽做完評估之後，佢被評估為認知功能出現問題。於是我攜帶評估報告，陪同媽媽尋求醫生嘅協助。雖然我好驚同埋好難過，但醫生話我媽媽好彩發現得早，可以及時治療。阻止病情惡化落去。
喺舜禹學堂嘅職員仲介紹咗啲認知障礙症照顧者支援服務，例如：講座、工作坊、小組、輔導等，讓我可以學習更多關於認知障礙症的知識同技巧，也可以得到其他照顧者嘅支持和鼓勵。
我感謝舜禹嘅職員嘅幫助，呢條路雖然唔係咁易行，但係我覺得只要有愛同埋信心，就可以渡到難關。」
如果可以及早診斷出認知障礙症，不但可以把握治療黃金期，又可減低認知障礙症的負面情緒或抗拒反應。如果你或身邊的老友記有任何生活上的疑難，不妨與我們聯絡，我們樂意當長者們的後盾。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
