使用手機已成為不少人的生活習慣，包括長者，為配合長者需要，近年不同電訊商亦推出各式各樣標榜專為長者而設的手提電話月費計劃，在數據量、傳送速度、通話時間、增值服務等方面，為長者消費者提供各類選擇。
現年76歲的王伯伯最近也收到電訊商續約家居電話計劃推廣電話。
「我今年76歲，係一名退休嘅獨居長者。無攞綜援，我平時好少用手機，只有一部的智能手機，用來跟親友聯絡。我主要靠家居電話跟外界溝通。
有一天，我接到一個電話，話係電訊商嘅推銷員，佢話佢地有一個專為長者而設的家居電話計劃，只要每月付$99，就可以無限制地打本地電話，仲可以享受免費的上網服務和其他增值服務。佢仲話如果我依家續約，佢話會送我一部新嘅手提電話同埋$200嘅電話費回贈。我當時有啲心動，但我無即刻應承佢。
之後，我向舜禹嘅職員求助，向佢地表示我唔太理解電訊商嘅家居電話計劃當中嘅細節。對計劃存有疑問。於是舜禹職員替我聯絡相關嘅電訊商了解。舜禹職員立即同我一齊打電話比電訊商。
舜禹職員好有耐性咁問咗推銷員好多問題，例如：呢個計劃嘅具體內容、合約期、解約條件、收費方式等等。佢仲要求推銷員將呢啲資料郵寄到我嘅住址。推銷員聽咗之後，就開始拖拖拉拉，話呢啲資料都係機密嘅，唔可以隨便發送或郵寄。舜禹職員就話佢，如果佢唔能夠提供任何書面確認或證明，亦冇保障消費者嘅權益。因此舜禹職員就幫我拒絕左推銷員。
最後，推銷員只好收線。舜禹職員告訴我，這個計劃可能係一個騙局，佢地只係想氹我簽約，然後收取高昂嘅費用，仲話口頭協議唔穩陣，最好有書面同意。
另外，舜禹職員睇返我嘅情況話我可以申請，香港電訊 —「長者愛心線」計劃，呢個計劃為合資格嘅60歲以上香港居民提供免費嘅家居電話服務。聽落去幾吸引，於是舜禹職員幫我填表申請計劃。
舜禹職員人仲提醒我，如果以後再有人打電話給我推銷電訊服務，我應該注意以下幾點：
1. 如難以理解推銷員講述的銷售內容，可與親友一同接聽電話。
2. 切記查核和記錄來電推銷員的身分資料，例如姓名、職銜和員工編號。
3. 口頭合約具有法律約束力！切記要清楚了解所有合約細節才同意簽約或透露個人資料，例如姓名和信用卡資料。
4. 如希望透過電話續訂任何電訊服務，應先確定現有服務的合約期滿日。
5. 請注意，經電話口頭同意訂購電訊服務後，你應有權獲取書面確認。」
長者不時會收到推銷員來電推銷各種電訊服務或遊說你續約。而且，長者有時也難以理解或聽清楚推銷員在電話講述的內容。在此情況下，長者可以考慮到服務供應商的門市與店員面談，才簽訂服務合約。
如果你或身邊的老友記有任何生活上的疑難，不妨與我們聯絡，我們樂意當長者們的後盾。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
